Þurftum bara eitt færi til að jafna

Jón Daði Böðvarsson og Albert Guðmundsson að fagna jöfnunarmarki Birkis …
Jón Daði Böðvarsson og Albert Guðmundsson að fagna jöfnunarmarki Birkis Más Sævarssonar (fyrir miðju). mbl.is/Eggert Jóhannesson

„Þetta er fáránlega gott lið sem Belgarnir eru með en við gerðum ágætlega, stóðum í þeim í 90 mínútur,“ sagði Albert Guðmundsson í viðtali við Stöð 2 Sport eftir 2:1-tap Íslands gegn Belgíu í Þjóðadeild UEFA í knattspyrnu í kvöld.

„Við héldum boltanum ágætlega þegar við fengum hann í fæturna en við hefðum líka getað skyndisótt betur. Þetta er spurning um að setja kannski aðeins meiri pressu á boltann, við þurftum bara eitt færi til að jafna,“ sagði Albert en íslenska liðið spilaði ágætlega á köflum og hefði kannski getað kreist fram jöfnunarmark í síðari hálfleik.

„Við höfum spilað núna við Belga þrisvar á stuttum tíma og þetta eru tvær leikir sem hafa farið ágætlega, þó við höfum ekki unnið. Það er samt erfitt að vera mjög sáttur þegar maður tapar,“ sagði Albert.

mbl.is