Þrír spænskir knattspyrnumenn sem hafa leikið með Aftureldingu í 1. deild karla á þessu tímabili eru á förum heim og spila ekki meira með liðinu. Þetta kemur fram á Twitter-síðu Aftureldingar.
Tveimur umferðum er ólokið í deildinni en Afturelding siglir þar lygnan sjó í áttunda sætinu og er komið úr allri fallhættu.
Þetta eru markvörðurinnn Jon Tena, varnarmaðurinn Endika Galarza og miðjumaðurinn Alejandro Zambrano.
Næstkomandi sunnudag halda @Tena_21 og @GalarzaEndika heim á leið til Spánar. Á dögunum fór @ale28zambrano einnig heim á leið. Við verðum því án þeirra í lok móts. Við þökkum þeim fyrir gott tímabil og óskum þeim góðrar ferðar heim! pic.twitter.com/ghvrEiAp2f
— Afturelding (@umfafturelding) October 15, 2020