Ótrúlegur sigur Eyjamanna

ÍBV vann ótrúlegan 2:1-sigur á Þór er liðin mættust í Lengjudeild karla í fótbolta á Hásteinsvelli í Vestmannaeyjum í kvöld. 

Stefán Ingi Sigurðarson kom ÍBV yfir á 11. mínútu en Jóhann Helgi Hannesson jafnaði fyrir Þór á 29. mínútu og var staðan í hálfleik 1:1. 

Eyjamaðurinn Nökkvi Már Nökkvason fékk sitt annað gula spjald og þar með rautt á 65. mínútu en þrátt fyrir það nældu heimamenn sér í vítaspyrnu á 89. mínútu.

Guðjón Pétur Lýðsson hitti ekki á markið úr spyrnunni en það kom ekki að sök því nafni hans Guðjón Ernir Hrafnkelsson skoraði sigurmark ÍBV í uppbótartíma. 

Með sigrinum fóru Eyjamenn upp í tíu stig og í fimmta sæti. Þór er í áttunda sæti með sjö stig. 

• Blogga um frétt