Sænski knattspyrnumaðurinn Pontus Lindgren er á leið til KR frá Sylvia úr þriðju efstu deild Svíþjóðar. Hann var um tíma í sænska U16 ára landsliðinu.
Fótbolti.net greinir frá. Lindgren, sem er 21 árs gamall varnarmaður, er uppalinn hjá Norrköping en gekk í raðir Sylvia, sem hefur sterk tengsl við Norrköping, árið 2019.
KR hefur leik í Bestu deildinni miðvikudaginn 20. apríl á útivelli gegn nýliðum Fram.
Uppfært kl. 17.54:
KR hefur staðfest komu Pontus Lindgrens til félagsins og hann hefur skrifað undir tveggja ára samning.