Glódís Perla Viggósdóttir er nýr fyrirliði íslenska kvennalandsliðsins í knattspyrnu.
Þetta tilkynnti Þorsteinn Halldórsson landsliðsþjálfari á blaðamannafundi í höfuðstöðvum KSÍ rétt í þessu.
Sara Björk Gunnarsdóttir lagði landsliðsskóna á hilluna fyrir áramót eftir að hafa borið fyrirliðabandið um langt árabil.
Glódís Perla, sem er 27 ára miðvörður stórliðs Bayern München, hefur verið kjölfesta í vörn íslenska liðsins í tæpan áratug og á að baki 108 A-landsleiki, þar sem hún hefur skorað átta mörk.