Sadio Mané og Dejan Lovren verða ekki með Liverpool þegar liðið sækir spútniklið Bournemouth í heimsókn í hádeginu á morgun.
Báðir glíma þeir við meiðsli og eru ekki leikfærir en Jürgen Klopp knattspyrnustjóri Liverpool staðfesti það á fréttamannafundi í dag.
Vinni Liverpool sigur á morgun kemst liðið upp í efsta sæti alla vega um stundarsakir því topplið Manchester City á ekki leik fyrr en síðdegis á morgun. City á erfiðan leik fyrir höndum en liðið sækir Chelsea heim á Stamford Bridge.
Liverpool er í 2. sæti með 39 stig eftir 15 umferðir og hefur aldrei byrjað betur í deildinni í 126 ára sögu félagsins.
Bournemouth hefur gert það gott á leiktíðinni en strákarnir hans Eddie Howie eru í 7. sæti deildarinnar með 23 stig.
„Það verður gaman að komast á toppinn ef við vinnum en líklega mun það verða bara í nokkra klukkutíma,“ sagði Klopp við fréttamenn í dag.