Arsenal hefur rætt við Allegri

Forsvarsmenn Arsenal hafa rætt við Massimiliano Allegri, fyrrverandi knattspyrnustjóra Juventus, um að taka við stjórnartaumunum hjá liðinu. Þetta herma heimildir Sky Sports.

Talið er að stjórnarmenn Arsenal hafi upphaflega viljað fá José Mourinho, nýráðinn knattspyrnustjóra Tottenham Hotspur, til að taka við liðinu áður en Unai Emery var rekinn. Í kjölfar ráðningar hans til Tottenham hafi hins vegar verið leitað á önnur mið.

Frétt af mbl.is

Emery rekinn frá Arsenal

Greint var frá því í morgun að Carlo Ancelotti, knattspyrnustjóri Napoli, væri ofarlega á blaði hjá Arsenal, en svo virðist sem Allegri sé nú líklegastur. Allegri yfirgaf Juventus síðasta sumar þar sem hann vann ítölsku deildina fimm sinnum ásamt því að sigra bikarkeppnina fjórum sinnum.

Frétt af mbl.is

Ancelotti orðaður við Arsenal

• Blogga um frétt