Eitthvað hrokafullt við þetta (myndskeið)
Setja bókamerki
Tómas Þór Þórðarson, Freyr Alexandersson og Bjarni Þór Viðarsson voru ekki sáttir með hollenska varnarmanninn Virgil van Dijk sem gerðist sekur um slæm mistök í leik Liverpool gegn Arsenal í ensku úrvalsdeildinni í knattspyrnu í vikunni.
Liverpool getur ekki lengur bætt stigametið í deildinni eftir tapið gegn Arsenal. „Þessi mistök sem Liverpool gerir, fyrst Van Dijk og svo Alisson. Eru menn bara orðnir saddir?“ spurði Tómas Þór í þættinum Vellinum á Símanum Sport en Liverpool hefur ekki riðið feitum hesti frá leikjum sínum eftir að liðið innsiglaði Englandsmeistaratitilinn.
„Þeir gera tvenn mistök sem er ekki hægt að setja á neitt annað en einbeitingarleysi. Ég elska Virgil van Dijk, hann er stórkostlegur leikmaður og persónuleiki en það er eitthvað í þessu atviki sem er hrokafullt,“ sagði Freyr um atvikið þegar Van Dijk gefur Lundúnaliðinu mark en atvikið og umræðurnar má sjá í spilaranum hér að ofan.
Maðurinn sem leitað var að fannst látinn
Þyrla Gæslunnar sinnti óvenjulegu verkefni
Hætta vegna jarðfalls í sprungur metin töluverð
Komu saman á kyrrðar- og bænastund
Finnar og Svíar taka ekki á móti særðum frá Gasa
Mikill útflutningur frá Vestfjörðum
Eðlileg viðbrögð að fella tár
Íslensk hljómsveit margritskoðuð í Kína