Knattspyrnumennirnir Harry Kane og Heung-min Son hafa byrjað tímabilið afar vel í ensku úrvalsdeildinni og spilað sérstaklega vel saman. Leggja þeir upp mörk á hvor annan til skiptis og skora báðir mikið.
Glenn Hoddle lék með og þjálfaði Tottenham á sínum tíma og hann er hrifinn af tvíeykinu. Rifjar hann upp leik Tottenham og Southampton þar sem Harry Kane lagði upp fjögur mörk á Suður-Kóreumanninn.
Innslagið með Hoddle má sjá hér fyrir ofan en mbl.is færir ykkur efni úr enska boltanum í samvinnu við Símann sport.
Tottenham mætir Manchester City á heimavelli í ensku úrvalsdeildinni á morgun klukkan 17:30 og verður leikurinn í beinni útsendingu á Símanum sport.