Mörkin: Þrumuskalli í Brighton

Adam Webster skoraði frábært skallamark fyrir Brighton gegn Chelsea í leik liðanna í ensku úrvalsdeildinni í knattspyrnu í Brighton í kvöld.

Webster jafnaði metin fyrir Brighton á 60. mínútu með skalla eftir hornspyrnu Alexis Mac Allisters frá vinstri en Webster var gapandi frír í teignum þegar hann skallaði boltann í netið.

Áður hafði Hakim Ziyech komið Chelsea yfir um miðjan fyrri hálfleikinn með föstu skoti utan teigs sem Robert Sánchez í marki Brighton réð ekki við.

Leikur Brighton og Chelsea var sýndur beint á Síminn Sport.

mbl.is