Gary Lineker snýr aftur í Match of the Day

Gary Lineker, þáttastjórnandi Match of the Day, mun snúa aftur í þáttinn um næstu helgi eftir að yfirmenn á BBC gáfu eftir í deilu sinni við Lineker.

Íþróttaumfjöllun á BBC fór á hliðina um helgina í kjölfarið þar sem sérfræðingar þáttarins, og fleiri starfsmenn stöðvarinnar, mættu ekki í þáttinn Lineker til stuðnings.

Frétt af mbl.is

Match of the Day fer í loftið án sérfræðinga

Frétt af mbl.is

Framkvæmdastjóri BBC biður skattgreiðendur afsökunar

Telegraph greinir frá.

Búist er við því að reglur um notkun starfsmanna á samfélagsmiðlum verði endurskoðaðar í kjölfar atviksins. Eins og áður hefur verið greint frá var Lineker sendur í tímabundið leyfi fyrir að gagnrýna stefnu breskra stjórnvalda í málefnum flóttafólks.

Á sama tíma er búist við því að Lineker muni fallast á að gæta að innihaldi tísta sinna og mögulegt er að hann muni biðjast afsökunar.

• Blogga um frétt