Íþróttir | Formúla 1 | mbl | 4.10.2014 | 12:00 | Uppfært 17:59

Verstappen í miðjum hópi

Mynd 1 af 5 Max Verstappen ræðir við blaðamenn eftir fyrstu formúlu-1 æfingu sína. mbl.is/afp

Mynd 2 af 5 Max Verstappen á ferð á Toro Rosso bílnum í Suzuka. mbl.is/afp

Mynd 3 af 5 Hinn tæplega 17 ára gamli Max Verstappen á Toro Rosso bílnum í Suzuka. mbl.is/afp

Mynd 4 af 5 Max Verstappen (l.t.v.) ræðir við tæknimenn Toro Rosso eftir æfinguna í Suzuka. mbl.is/afp

Mynd 5 af 5 Max Verstappen í Toro Rosso bílnum við upphaf æfingarinnar í Suzuka. mbl.is/afp

Max Verstappen varð yngsti formúluökumaður sögunnar er hann ók fyrir Toro Rosso á fyrri æfingunni í Suzuka á föstudag.

Hollendingurinn ungi verður 17 ára á þriðjudaginn kemur og stórbætti hann þar með met sem Sebastian Vettel átti. Hann var 19 ára og 53 daga er hann ók á fyrstu æfingu tyrkneska kappakstursins árið 2006.

Því hefur Verstappen bætt það met um tvö ár og 49 daga eða svo með akstri sínum í Suzuka. Hann ók alls 22 hringi og var aðeins fjórum tíundu úr sekúndu lengur með hringinn en liðsfélagi hans, Daniil Kvyat.