Mercedes velur ökumenn í júlí

Spurt er hvort þeir verða báðir ökumenn Mercedes 2019, Lewis ...
Spurt er hvort þeir verða báðir ökumenn Mercedes 2019, Lewis Hamilton (t.v.) og Valtteri Bottas, eða ekki. AFP

Mercedes ætlar að ganga frá því í júlí hverjir verði ökumenn liðsins á næsta ári. Lewis Hamilton hefur verið settur lokafrestur til að ljúka samningum um áframhaldandi starf hjá Mercedesliðinu.

Liðsstjórinn Toto Wolff segir Hamilton besta ökumanninn sem völ er á en ekki er loku fyrir það skotið að hann rói í aðrar áttir. Þó er miklu fremur búist við að hann verði um kyrrt hjáMercedes  og að fljótlega verði tilkynnt um nýjan risasamning hans.

Sömuleiðis rennur samningur Valtteri Bottas út á árinu, en Wolf segir að ekki verði farið útfyrir ökumannahóp Mercedes við ráðningu nýs ökumanns hverfi annar hvor þeirra Hamiltons og Bottas á braut. Fremstur í fylkingu sem afleysingamaður er Esteban Ocon sem er á láni frá Mercedes hjá Force India.

mbl.is