Það gerðist fyrr en búist var við, en nýtt nafn er komið á Force India. Keppir liðið undir nýjum formerkjum í Belgíu um helgina, eða Racing Point Force India.
Með þessu þykir nokkuð öruggt að liðið geti keppt í belgíska kappakstrinum, að leyst hafi verið úr öllum lagaflækjum sem hindrað gátu það.
Bílar liðsins fóru gegnum skoðun í Spa í dag og gær undir nafninu Sahara Force India F1 Team, en allar útgáfur þess heitis hafa í dag verið rifnar af mótorheimili liðsins, flutningabílum og bílskúrasvæði.
Með nýju nafni, Racing Point Force India, hefur liðið keppni á byrjunarreit þar sem það missir öll áunnin stig við nafnbreytinguna og eigendaskiptin. Er heitinu Force India haldið inni í nýja nafninu vegna bílanna sem ekki var hægt að breyta af tæknilegum ástæðum, vegna eignarhalds Vijay Mallya þátttökurétti liðsins í formúlu-1.