Arsenal sneri erfiðri stöðu í sigur
Setja bókamerki
Arsenal er komið í átta liða úrslit Evrópudeildarinnar í fótbolta eftir að hafa snúið blaðinu við á heimavelli gegn Rennes í kvöld en enska liðið sigraði 3:0 eftir að hafa tapað fyrri leiknum í Frakklandi með tveggja marka mun, 3:1.
Arsenal gaf tóninn strax í byrjun þegar Pierre-Emerick Augameyang skoraði á 5. mínútu. Aðeins tíu mínútum síðar var liðið komið með undirtökin í einvíginu eftir að Ainsley Maitland-Niles bætti við marki, 2:0.
Augameyang skoraði aftur á 72. mínútu, 3:0, og Arsenal fór illa með góð færi til að bæta enn frekar við markatöluna.
Eintracht Frankfurt frá Þýskalandi gerði góða ferð til Mílanó á Ítalíu og vann þar 1:0 sigur á Inter. Luka Jovic skoraði markið strax á 6. mínútu en fyrri leikurinn endaði 0:0.
Villarreal frá Spáni vann Zenit Pétursborg frá Rússlandi 2:1 og þar með 5:2 samanlagt. Gerard Moreno og Carlos Bacca komu Gula kafbátnum tveimur mörkum yfir áður en Branislav Ivanovic, fyrrverandi leikmaður Chelsea, svaraði fyrir Zenit á lokamínútu leiksins.
Framlenging er hafin hjá Slavia Prag og Sevilla í Tékklandi þar sem staðan var 2:2 eftir venjulegan leiktíma en fyrri leikurinn á Spáni endaði líka 2:2.
Sama er á seyði í Lissabon þar sem Benfica er 1:0 yfir gegn Dinamo Zagreb frá Króatíu, sem vann fyrri leikinn 1:0.
Sex lið eru því komin áfram, Chelsea, Valencia, Napoli, Arsenal, Eintracht Frankfurt og Villarreal.
Vendingar vestanhafs geti haft áhrif hér heima
Maðurinn sem leitað var að fannst látinn
Eina leiðin var að fella björninn
Vangaveltur gengu lengra en innistæða var fyrir
Glæpastarfsemi orðin mun skipulagðari
Komu saman á kyrrðar- og bænastund
Finnar og Svíar taka ekki á móti særðum frá Gasa
Hætta vegna jarðfalls í sprungur metin töluverð