Kjartan brenndi af víti þegar Vejle féll

Kjartan Henry Finnbogason var í byrjunarliði Vejle sem mætti Hobro í seinni leik liðanna í umspili um laust sæti í dönsku úrvalsdeildinni í dag. Leiknum lauk með 2:0-sigri Hobro eftir framlengdan leik en Kjartan lék allan leikinn fyrir Vejle.

Hobro komst yfir strax á 14. mínútu þegar Vito Hammershoy Mistrati kom þeim yfir. Í uppbótartíma fyrri hálfleiks fékk Vejle vítastpyrnu og Kjartan Henry steig á punktinn. Jesper Rask í marki Hobro varði frá honum og staðan 1:0 í hálfleik.

Hvoruugu liðinu tókst að skora í síðari hálfleik og þar sem fyrri leik liðanna lauk með 1:0-sigri Vejle þar sem Kjartan Henry skoraði sigurmark leiksins var gripið til framlengingar. Þar var það Emmanuel Sabbi sem reyndist hetja Hobro en hann skoraði eina mark framlengingarinnar á 103. mínútu.

Hobro mætir liðinu sem endar í öðru sæti dönsku B-deildarinnar í umspili um laust sæti í úrvalsdeildinni en Kjartan Henry Finnbogason og félagar hans í Vejle eru fallnir í dönsku B-deildina.

• Blogga um frétt