Arnór Ingvi magnaður í endurkomunni

Arnór Ingvi Traustason fór á kostum í sínum fyrsta deildarleik í um mánuð með sænska knattspyrnuliðinu Malmö. Arnór er nýstiginn upp úr meiðslum og hann minnti heldur betur á sig í dag. 

Malmö vann afar sannfærandi 5:0-sigur á Falkenberg á heimavelli. Arnór lagði upp annað mark Malmö á 30. mínútu og sá hann sjálfur um að gera þriðja og fjórða markið með þriggja mínútna millibili snemma í seinni hálfleik. 

Með sigrinum fór Malmö upp í toppsæti deildarinnar, þar sem Kolbeinn Sigþórsson og AIK misstigu sig fyrr í dag. Kolbeinn lék allan leikinn í óvæntu 1:2-tap fyrir Kalmar á heimavelli.

Þá lék Guðmundur Þórarinsson allan leikinn með Norrköping í 2:0-sigri á Sirius á útivelli. 

• Blogga um frétt