Hansi Flick mun stýra þýska stórliðinu Bayern München næstu þrjú árin en hann skrifaði í dag undir framlengingu á samningi sínum við félagið. Gildir samningurinn til 2023.
Flick hefur stýrt Bayern til bráðabirgða eftir að Niko Kovac var rekinn í nóvember og hefur greinilega heillað forráðamenn félagsins.
Flick stýrði Hoffenheim árið 2005 og hefur síðan þá verið í þjálfarateymi þýska landsliðsins og aðstoðað Joachim Löw. Bayern var í toppsæti þýsku deildarinnar og komið í 16-liða úrslit Meistaradeildarinnar þegar keppnunum var frestað.