Knattspyrnukonan Ingibjörg Sigurðardóttir og liðsfélagar hennar í norska úrvalsdeildarliðinu Vålerenga unnu 2:0-heimasigur gegn Röa í 2. umferð deildarinnar á föstudaginn síðasta. Ingibjörg lék allan leikinn í hjarta varnarinnar hjá Vålerenga en þetta var fyrsti sigur liðsins á tímabilinu.
Ingibjörg kórónaði góðan leik með því að leggja upp annað mark Vålerenga í leiknum en frammistaða hennar gegn Röa skilaði henni sæti í liði umferðarinnar hjá heimasíðu úrvalsdeildarinnar. Þá var liðsfélagi Ingibjargar, Dejana Stefanovic, einnig valin í lið umferðarinnar en Rosenborg átti flesta leikmenn í liðinu eða fjóra.
Ingibjörg gekk til liðs við norska félagið frá Djurgården í Svíþjóð fyrir tímabilið en hún lék í Svíþjóð í tvö ár áður en hún skipti yfir til Noregs. Ingibjörg er uppalin hjá Grindavík en gekk til liðs við Breiðablik árið 2012 og lék með liðinu í fimm ár áður en hún hélt út í atvinnumennsku árið 2018.
😎 RUNDENS LAG 😎
— Toppserien (@Kvinnefotball1) July 13, 2020
Her er den utvalgte elleveren fra runde 2️⃣! Fire spillere fra @RBKvinner og keeperen til @ABFotball er med for andre gang på rad 🔥Hvilke spillere imponerte deg i helgen? 👏
Mer utfyllende statistikk her 👉 https://t.co/kxdCSHUgXg pic.twitter.com/GPhPj4GYuM