Arnór Ingvi Traustason, landsliðsmaður í knattspyrnu, er í úrvalsliði vikunnar í bandarísku MLS-deildinni eftir frammistöðu sína með New England Revolution gegn Inter Miami.
Arnór lék þá mjög vel og skoraði tvívegis í stórsigri New England á útivelli, 5:0. Hann er annar tveggja leikmanna liðsins í úrvalsliðinu en samherji hans Adam Buksa, sem einnig skoraði tvö mörk í leiknum, varð líka fyrir valinu.
Arnór og félagar eru á mikilli siglingu en þeir eru efstir í Austurdeild MLS með 30 stig úr fimmtán leikjum, fimm stigum meira en næsta lið.
Liðið var birt á síðum MLS-deildarinnar og má sjá hér fyrir neðan:
⭐️ Ballers ⭐️https://t.co/opl3FSHsBE | @AudiOfficial #GoalsDriveProgress pic.twitter.com/TIGagYJsTR
— Major League Soccer (@MLS) July 23, 2021