Spænski sóknarmaðurinn Ferran Torres, leikmaður Englandsmeistara Manchester City í knattspyrnu, meiddist í landsliðsverkefni með Spáni á dögunum og verður því frá keppni í um sex vikur.
Þessu greinir Simon Bajkowski, íþróttafréttamaður hjá Manchester Evening News, frá á twitteraðgangi sínum.
Hann segir þar að Torres hafi meiðst áður en samt tekið þátt í síðasta leik Spánar, úrslitaleiknum gegn Frakklandi í Þjóðadeild Evrópu á sunnudag, sem hafi gert illt verra og valdið því að hann verði lengur frá.
Skörð eru því hoggin í sóknarlínu Man City þar sem ólíklegt er að Brasilíumaðurinn Gabriel Jesus geti tekið þátt í leik liðsins gegn Burnley í ensku úrvalsdeildinni á laugardag vegna þess að hann er einn þeirra suður-amerísku leikmanna sem spila með landsliði sínu aðfaranótt föstudags og því mjög stutt á milli leikja.
As per reports in Spain, Ferran Torres out for about six weeks. Picked up an injury with Spain, played in the next game, now set for a lengthy spell out. A sizable blow for #mcfc and can imagine Guardiola won't be best pleased
— Simon Bajkowski (@spbajko) October 14, 2021