Knattspyrnumarkvörðurinn Jökull Andrésson hefur verið lánaður frá Reading til Exeter City í þriðja sinn á ferli sínum. Lánssamningurinn gildir aðeins í eina viku.
Exeter leikur í ensku C-deildinni og er um neyðarlán að ræða vegna meiðsla aðalmarkvarðar liðsins, Jamal Blackman.
Jökull, sem er 21 árs, hefur verið á mála hjá B-deildar liði Reading frá árinu 2018 og er þetta í sjötta sinn sem hann er lánaður annað.
Þrívegis hefur Jökull verið lánaður til Exeter, tvisvar til Morecambe og einu sinni til Hungerford Town.
Alls á hann 56 meistaraflokksleiki að baki í C, D og F-deild Englands.
Jökull lék sinn fyrsta A-landsleik á síðasta ári og á þá sjö landsleiki fyrir yngri landslið Íslands.
Ohhhh go on, one more time then!! https://t.co/giU6Z7Sbza
— Jökull Andrésson (@JokullAndresson) January 24, 2023