Sturla Snær Snorrason tók ekki þátt í svigkeppni Vetrarólympíuleikanna í Pyeongchang í nótt eins og til stóð.
Í fréttatilkynningu frá Íþrótta- og ólympíusambandinu kemur fram að Sturla Snær hafi í stórsvigskeppninni á sunnudaginn fallið í brautinni þar sem hann fékk annað skíðið á kálfann sem leiddi til þess að blæðing átti sér stað á milli vöðva.
Vonast var til að hann yrði klár til keppni fyrir svigið en hann hefur verið í góðri meðhöndlun fagteymis í ólympíuþorpinu.
En eftir að hafa farið í gegnum upphitun fyrir keppnina var ákveðið að hann yrði ekki með.