Aníta bætti sig enn og aftur

Aníta Hinriksdóttir hleypur vel.
Aníta Hinriksdóttir hleypur vel. mbl.is/Eggert Jóhannesson

Aníta Hinriksdóttir bætti sinn besta árangur á árinu í 800 metra hlaupi í annað skipti á þremur dögum er hún hljóp á 2:01,92 mínútum á sterku móti í Ostrava í Tékklandi í gær. 

Aníta hljóp á 2:02,21 mínútum á Demantamóti í Stokkhólmi síðastliðna helgi og virðist hún vera að komast í sitt besta stand. Íslandsmet Anítu síðan í fyrra er 2:00,05 mínútur. 

Hún hafnaði í sjötta sæti í hlaupinu í gær á eftir Rababe Arafi frá Marokkó sem vann á 1:59,20 mínútu, Noélie Yarigo frá Benín varð í öðru sæti og Olha Lyakhiva frá Úkraínu hafnaði í 3. sæti. 

mbl.is