Skautafélag Akureyrar tryggði sér Íslandsmeistaratitilinn í íshokkí karla eftir 4:1-sigur gegn SR í þriðja leik liðanna um Íslandsmeistaratitilinn á Akureyri í kvöld. Vinna þurfti þrjá leiki til þess að tryggja sér Íslandsmeistaratititlinn og var staðan 2:0 í einvíginu, SA í vil, fyrir leik kvöldsins.
Mörk SA í leiknum skoruðu þeir Jordan Steger, Thomas Stuart-Dant, Jussi Sipponen og Andri Már Mikaelson en Aron Knútsson skoraði eina mark SR á 18. mínútu.
Þórir Tryggvason, ljósmyndari, var í Skautahöllinni á Akureyri í kvöld og tók myndir af nýkrýndum Íslandsmeisturum fagna titilinum.