Í gær fór fram í Akraneshöllinni þrettándi millilandaleikur ruðningsliðs Einherja. Andstæðingurinn var Pforzheim Wilddogs sem spilar í 3. deild Þýskalands (af 6 deildum).
Einherjar unnu nokkuð þægilegan sigur 38:20. Bergþór Phillipp Pálsson kastaði fyrir þremur snertimörkum og Ingi Þór Kristjánsson hljóp inn tvö til viðbótar.
Í þrettán leikjum gegn erlendum liðum hafa Einhverjar unnið átta leiki og tapað fimm.
Næsti leikur Einherja verður sérstaklega spennandi þar sem þeir taka á móti Salzburg Ducks þann 30. nóvember, en liðið er eitt það besta í Austurríki.
Leikurinn verður í Kórnum og fimleikafélagið Gerpla verður með magnaða hálfleikssýningu. Miðasala er hafin á Tix.is.
Hér að neðan má sjá svipmyndir úr leiknum í gær.