Alþjóða íþróttadómstóllinn, CAS, í Sviss mun taka fyrir fjögurra ára keppnismann Rússa frá öllum stórum íþróttaviðburðum ef þeir voru úrskurðaðir í bannið af WADA, Alþjóðalyfjanefndinni, í desember á síðasta ári.
Samkvæmt úrskurðinum geta Rússar ekki keppt undir sínum fána á stórum íþróttaviðburðum eins og Ólympíuleikunum í Tókýó og heimsmeistarakeppni karla í Katar. Rússneskt íþróttafólk sem getur sannað sakleysi sitt gagnvart lyfjahneyksli Rússa má hins vegar keppa undir hlutlausum fána. Rússneska lyfjaeftirlitið, Rusada, ákvað að áfrýja dómnum og mun því CAS taka hana fyrir í nóvember en niðurstaða dómstólsins verður bindandi.
Ástæðan fyrir banninu er sú að lyfjanefnd Rússa var úrskurðuð vanhæf eftir að hafa átt við gögn um lyfjapróf sem afhent voru rannsakendum. Þau gögn þurftu Rússar að afhenda WADA í kjölfarið á að þeim var leyft að keppa á ný árið 2018, eftir að hafa áður fengið þriggja ára keppnisbann vegna lyfjahneykslisins sem opinberað var í landinu árið 2015.
Alls kepptu 168 Rússar undir hlutlausum fána á Vetrarólympíuleikunum í Suður-Kóreu árið 2018. Rússar hafa verið í banni hjá Alþjóðafrjálsíþróttasambandinu frá árinu 2015