Valdís aftur þar sem hún naut sín best

Valdís Þóra Jónsdóttir, atvinnukylfingur úr Leyni, hefur leik í nótt á móti í Bonville í Ástralíu en mótið er hluti af Evrópumótaröðinni.

Valdís Þóra náði sínum besta árangri á mótaröðinni í Bonville fyrir ári síðan þegar hún endaði í 3. sæti. Það er jafnframt besti árangur sem íslenskur kylfingur hefur náð á atvinnumótaröð í efsta styrkleikaflokki, en Evrópumótaröðin er sterkasta mótaröð Evrópu.

Valdís Þóra hefur leik kl. 1.50 að íslenskum tíma og leikur svo annan hringinn um kl. 20.40 annað kvöld að íslenskum tíma.

• Blogga um frétt