Birgir og Guðmundur á móti í Áskorendamótaröðinni

Birgir Leifur Hafþórsson og Guðmundur Ágúst Kristjánsson eru á meðal keppenda á móti í Áskorendamótaröðinni sem hófst í Austurríki í morgun, Euram Bank Open-mótinu.

Guðmundur Ágúst tryggði sér á dögunum keppnisrétt í Áskorendamótaröðinni þegar hann sigraði á sínu þriðja móti á tímabilinu í Nordic Tour-mótaröðinni.

Birgir Leifur er með keppnisrétt í Áskorendamótaröðinni eins og undanfarin ár en hefur aðeins tekið þátt í einu móti á tímabilinu.

Birgir Leifur hefur farið vel af stað en hann er á þremur höggum undir pari eftir sex holur en Guðmundur Ágúst er á einu höggi undir pari eftir þrjár holur.

Staðan er uppfærð hér

• Blogga um frétt