Sannfærandi sigrar Berglindar og Axels
Setja bókamerki
Berglind Björnsdóttir úr Golfklúbbi Reykjavíkur og Axel Bóasson úr Golfklúbbnum Keili sigruðu í kvenna- og karlaflokkum á Leirumótinu í golfi sem lauk á Hólmsvelli í Leiru nú síðdegis og er hluti af stigamótaröð Golfsambands Íslands.
Berglind vann kvennaflokkinn með yfirburðum en hún lék hringina þrjá á 219 höggum, þremur yfir pari vallarins. Saga Traustadóttir úr GR varð önnur á 227 höggum, ellefu yfir pari, og Andrea Ýr Ásmundsdóttir úr Golfklúbbi Akureyrar varð þriðja á 233 höggum, sautján höggum yfir pari.
Axel vann karlaflokkinn af miklu öryggi og lék hringina þrjá á 205 höggum, eða ellefu höggum undir pari. Andri Már Óskarsson varð annar á 211 höggum, fimm undir pari, en þrír kylfingar deildu þriðja sætinu á 215 höggum. það voru Fannar Ingi Steingrímsson úr Golfklúbbi Hvaragerðis, Birgir Björn Magnússon úr Keili og Ingi Þór Ólafson úr Golfklúbbi Mosfellsbæjar.
Óánægja er með áform um efnistöku
Komu saman á kyrrðar- og bænastund
Gerðu umfangsmiklar loftárásir á Líbanon
Hætta vegna jarðfalls í sprungur metin töluverð
Grænlendingar vildu ekki fá björninn til baka
Vangaveltur gengu lengra en innistæða var fyrir
Tveir í haldi grunaðir um mansal og smygl á fólki