Væri rugl að fara að tala um titilinn

Alfreð Gíslason, þjálfari þýska stórliðsins Kiel í handknattleik, segir það algjört óráð að fara að bendla liðið við þýska meistaratitilinn þegar svo skammt er liðið á tímabilið.

Kiel vann Rhein-Neckar Löwen í stórleik í þýsku 1. deildinni í gær, 27:24, og er með 16 stig eftir 10 leiki. Alfreð vill ekki að þessi leikur verði túlkaður um of í titilbaráttunni.

„Ef við höfðum tapað hefði fólk sagt að við værum úr leik í baráttu um titilinn. En að tala um titilinn núna væri rugl. Sigurinn gefur liðinu vissulega sjálfstraust, en við verðum að halda einbeitingu og vera rólegir,“ sagði Alfreð eftir leikinn.

• Blogga um frétt