Aix tryggði sér í kvöld sæti í undanúrslitum franska bikarsins í handbolta með sterkum 38:34-heimasigri á Nimes í átta liða úrslitunum.
Kristján Örn Kristjánsson, Donni, átti flottan leik fyrir Aix og skoraði sex mörk í átta skotum. Var hann markahæstur í sínu liði ásamt Nicolas Claire.
Donni og liðsfélagar hans eru væntanlegir til landsins síðar í mánuðinum, en Aix er með Val í B-riðli Evrópudeildarinnar. Mætast þau á Hlíðarenda 21. febrúar.