Sporting Lissabon tryggði sér portúgalska meistaratitilinn í handbolta í gær með 35:33 sigri á Porto í Lissabon. Orri Freyr Þorkelsson skoraði þrjú mörk fyrir Sporting.
Fyrir leikinn var Sporting með tveggja stiga forskot á Porto fyrir leikinn í gær en Þorsteinn Leó Gunnarsson leikmaður Aftureldingar gengur til liðs við Porto í sumar. Salvador Salvador var markahæstur í liði Sporting með níu mörk en portúgalski landsliðsmaðurinn Martim Costa skoraði sjö.
Línumaðurinn stæðilegi, Victor Iturriza, var markahæstur í liði Porto með sjö mörk og samherji hans í landsliði Portúgal, Fabio Magalhaes, skoraði sex.