Argentínumenn hafa áhyggjur af hæðinni í íslenska landsliðinu fyrir leik þjóðanna á HM sem fram fer í Moskvu á laugardaginn.
Meðalhæðin í íslenska landsliðinu er sú hæsta af liðunum 32 á heimsmeistaramótinu eða 1,85 metrar en meðalahæðin í argentínska liðinu er ein sú minnsta eða 1,79 metrar. Lionel Messi, sem af flestum er talinn besti knattspyrnumaður heims, er til að mynda 1,70 á hæð.
„Þetta verður mjög erfiður leikur,“ sagði Willy Caballero markvörður argentínska landsliðsins en þessi 36 ára gamli leikmaður Chelsea mun væntanlega standa á milli stanganna í leiknum á laugardaginn.
„Íslenska liðið verst mjög vel eins ein heild með tveimur þéttum línum. Það verður erfitt að að komast í gegnum miðjuna hjá þeim og því þurfum við nota vængina,“ sagði Caballero á fundi með fréttamönnum.