Igor Akinfeev, markvörður rússneska landsliðsins, reyndist hetjan í viðureign Rússlands og Spánar í 16-liða úrslitum heimsmeistaramótsins í dag. Hann varði tvær vítaspyrnu í vítaspyrnukeppninni og tryggði heimamönnum sæti í 8-liða úrslitunum.
„Við vorum að vonast eftir vítaspyrnukeppni,“ sagði Akinfeev brattur við blaðamenn eftir leikinn.
„Okkar eigin stuðningsmenn og stuðningsmenn frá öðrum löndum eru að kynnast andrúmsloftinu í Rússlandi um þessar mundir. Þeir sjá að Rússar kunna og vilja spila fótbolta.“
Rússland mun mæta annaðhvort Danmörku eða Króatíu í 8-liða úrslitunum en þau mætast í kvöld.