Nágrannarnir frá Króatíu og Serbíu mættust í A-riðli 2. deildar heimsmeistaramóts karla í íshokkí í Skautahöllinni í Laugardal í dag og höfðu Króatar betur 6:3.
Króatar hafa þar með unnið tvo leiki í röð eftir að hafa tapað fyrstu tveimur leikjunum. Þeir mæta Íslandi í síðustu umferðinni annað kvöld sem verður úrslitaleikur um bronsverðlaun fyrir þá.
Króatía var yfir að fyrsta leikhluta loknum 2:1 en komst í 4:1 í öðrum leikhluta og lagði þar með grunninn að sigrinum.