Michael Jordan er nú staddur í Norður-Karólínu þar sem fellibylurinn Florence reið yfir í september. Jordan er frá Norður-Karólínu og heimsótti til að mynda heimabæ sinn sem heitir Wilmington þar sem sjónvarpsvélarnar komu auga á kappann.
Jordan tók þátt í að útdeila matarbirgðum og skógjöfum fyrir þau sem urðu fyrir tjóni í hamförunum eins og smá má í meðfylgjandi myndskeiði.
Jordan mætti í ljósblárri treyju sem er líklega engin tilviljun en skólalið North Carolina University leikur í ljósbláum búningum og þar sló Jordan í gegn snemma á níunda áratugnum.
Michael Jordan er 55 ára gamall en er enn geysilega þekktur enda einn frægasti íþróttamaður sem fram hefur komið í Bandaríkjunum. Samningur hans við Nike markaði þáttaskil í rekstri íþróttavörurisans á sínum tíma. Jordan varð sex sinnum NBA-meistari og tvöfaldur ólympíumeistari í körfuknattleik.
Michael Jordan visits his hometown of Wilmington, North Carolina to help pass out Thanksgiving meals and donate sneakers as part of the Hurricane Florence relief efforts. 🙏
— B/R Kicks (@brkicks) November 21, 2018
📹 @hornets pic.twitter.com/9zBYeAH5k8