Þrátt fyrir að Bandaríkin hefðu betur gegn Póllandi í leik um sjöunda sætið á HM karla í körfubolta í Kína í morgun, 87:74, er árangurinn sá versti hjá bandarísku landsliði á HM frá upphafi.
Bandaríska liðið kom sterkt til leiks og vann fyrsta leikhlutann 28:14 og tókst pólska liðinu ekki að jafna eftir það en staðan í hálfleik var 47:30.
Donovan Mitchell skoraði 16 stig og gaf 10 stoðsendingar fyrir Bandaríkin og Joe Harris skoraði 14 stig. Mateusz Ponitka skoraði 18 stig og tók 7 fráköst fyrir Pólland.