Keypti handklæði Bryants á 4,6 milljónir

Handklæðið sem var yfir öxlunum á körfuknattleiksmanninum Kobe Bryant eftir hans síðasta leik á ferlinum, var í dag selt á uppboði á 33.000 dollara eða 4,6 milljónir króna.

Bryant var með handklæðið á öxlunum þegar hann kvaddi Staples Center, heimavöll Los Angeles Lakers, í síðasta skipti sem leikmaður. Lék hann með félaginu allan sinn feril. 

Stuðningsmaður Lakers greip handklæðið og hefur það verið selt nokkrum sinnum síðan. Fylgdu með tveir miðar á leikinn sem var spilaður 13. apríl 2016. Bryant skoraði 60 stig í 101:86-sigri á Utah Jazz. 

Bryant lést í þyrluslysi 26. janúar síðastliðinn. 

• Blogga um frétt