Vestri sem verið hefur í hópi sterkari liðanna í næstefstu deild karla í körfuknattleik síðustu árin hefur orðið fyrir blóðtöku.
Efnilegustu menn liðsins, tvíburabræðurnir Hilmir og Hugi Hallgrímssynir, eru búnir að semja við Stjörnuna í Garðabæ.
Báðir hafa þeir verið í yngri landsliðum Íslands og hafa látið að sér kveða í næstefstu deild þrátt fyrir ungan aldur. Tvíburnarnir eru fæddir árið 2002 og eru uppaldir á Ísafirði.
Stjarnan greinir frá þessu í dag á Facebook en Vestri hefur einni misst bakvörðinn Nebojsa Knezevic sem gekk í raðir Skallagríms.