Körfuknattleiksdeild KR hefur gengið frá samningum við þá Ante Gospic frá Króatíu og Bandaríkjamanninn Ty Sabin fyrir átökin í vetur.
Gospic er 203 sentímetra framherji sem hefur spilað í heimalandinu, Spáni, Danmörku, Þýskalandi og Rúmeníu. Sabin hefur undanfarin ár leikið með Wetterbygden í Svíþjóð.
„Við erum gríðarlega ánægðir með að hafa náð samningum við bæði Ante og Ty. Okkur líður eins og við höfum hámarkað vinningslíkurnar í útlendingalóttinu,” er haft eftir Darra Frey Atlasyni þjálfara KR á heimasíðu félagsins.
KR mætir með mikið breytt lið til leiks í vetur. Þeir Jón Arnór Stefánsson og Kristófer Acox eru m.a. horfnir á braut og Darri Freyr Atlason er tekinn við Inga Þór Steinþórssyni sem þjálfari.