Óviðeigandi hegðun sem hefur liðist í fjölda ára
Setja bókamerki
Fanney Lind Thomas, leikmaður körfuknattleiksliðs Breiðabliks, segir að óviðeigandi hegðun í garð kvenkynsleikmanna í meistaraflokki hafi liðist innan körfuboltahreyfingarinnar í fjölda ára.
Undanfarinn sólarhring hafa borist fréttir af dómara innan hreyfingarinnar sem hefur verið tekinn af dómaraskrá eftir að hann varð uppvís að því að senda leikmanni í efstu deild kvenna óviðeigandi skilaboð.
Hann hafði þá dæmt hjá viðkomandi leikmanni en dómarinn er á meðal reyndustu körfuknattleiksdómara landsins.
„22 ára gömul fékk ég þessi skilaboð frá þjálfara í deildinni,“ skrifar Fanney í færslu á Twitter en hún gaf mbl.is leyfi til þess að birta færsluna.
Fanney birtir þar skjáskot af samtali sínu við þjálfara í deildinni þegar hún var 22 ára gömul.
„Mjög svo óviðeigandi frá rígfullorðnum giftum manni. Slík hegðun fjölmargra þjálfara sem ég veit um gagnvart ungum stúlkum í deildinni hefur liðist í öll þessi ár,“ bætir Fanney við.
Quang Le: „Rottuskíturinn kom mér á óvart“
Tengsl við undirheima ekki hluti af rannsókninni
/frimg/1/51/65/1516515.jpg)
Sigrún og Gestur forstjórar nýrra stofnana
Segja 20 liðsmenn Hisbollah látna
„Verða bara eins og „zombíar““