Deildarmeistararnir fá liðsstyrk frá Austurríki

Fjölnir, deildarmeistarar kvenna í körfuknattleik á síðustu leiktíð, fengu til sín liðsstyrk í dag er austurríska landsliðskonan Simone Sill gekk til liðs við félagið frá Capitol Bascats Düsseldorf í Þýskalandi.

Sill er 23 ára gamall framherji og á einn A-landsleik að baki fyrir Austurríki. Hún er 180 cm á hæð og er öflug bæði í vörn og sókn samkvæmt samfélagsmiðlum Fjölnis. 

Fjölnir varð deildarmeistari í fyrra en datt úr leik í undanúrslitum útsláttarkeppninnar eftir tap gegn Njarðvík sem urðu að lokum Íslandsmeistarar með sigri á Haukum í úrslitaeinvíginu.

• Blogga um frétt