Stelpurnar komnar í aðalkeppnina
Setja bókamerki
Í dag var spiluð undankeppni í einliðaleik karla og kvenna á Iceland International, badmintonkeppni WOW Reykjavik International Games. Þrjár íslenskar stelpur náðu að spila sig inn í aðal keppnina sem hefst á morgun föstudag en strákarnir eru allir dottnir úr keppni.
Arna Karen Jóhannsdóttir sigraði í dag grænlensku stúlkuna Söru Lindskov Jackobsen 21-16 og 21-16 og tryggði sér þar með sæti í aðalkeppninni á morgun. Þar mætir hún Rebeccu Kuhl frá Svíþjóð. Þórunn Eylands tryggði sér einnig sæti í aðalkeppninni en hún vann Katrínu Völu Einarsdóttur sem áður hafði unnið skosku stúlkuna Lauru Muir. Þórunn fær tékkneskan andstæðing á morgun, Veroniku Dobiasova.
Margrét Jóhannsdóttir er hæst íslensku stelpnanna á heimslistanum og þurfti því ekki að taka þátt í undankeppninni í dag. Hún mætir á morgun Kati-Kreet Marran frá Eistlandi.
Badmintonkeppnin hefst á morgun klukkan 9:00 í TBR húsinu og verður spilað til klukkan 22:30. Keppt verður í öllum greinum, einliða-, tvíliða- og tvenndarleik. Smellið hér til að fylgjast með gangi mála.
Fyrsta 360 gráða yfirlitsmyndin frá goslokum
Sleppt úr varðhaldi: Búið að klippa kanta á seðlum
„Þetta þarf að fara að gerast“
„Gleymum því ekki að okkar vali fylgir ábyrgð“
Tók barn upp úr innkaupakerru móður
Allar líkur á að Seðlabankinn lækki næst vexti
Goslok hafa ekki áhrif á vinnuna
Fylgi Höllu hrundi eftir kappræðurnar
