Skvasskeppni Reykjavíkurleikanna lauk í dag en keppnin fór fram í húsnæði Skvassfélags Reykjavíkur á Stórhöfða.
Keppnisfyrirkomulagið var hreinn útsláttur og stóð Gústaf Smári Björnsson uppi sem sigurvegari að móti loknu. Ómar Hilmarsson var í öðru sæti og Gunnar Þórðarson í því þriðja. Björn Hrannar Björnsson vann keppni þeirra sem töpuðu í fyrstu umferð.