Íþróttir | Reykjavíkurleikar | mbl | 4.2.2020 | 10:20

„Stærstu, glæsilegustu og fjölbreyttustu leikarnir“

Mynd 1 af 10 Brekkusprettur upp Skólavörðustíg var ein af keppnisgreinum Reykjavíkurleikanna í ár. ÍBR/Ólafur Þórisson

Mynd 2 af 10 Hlynur Andrésson var stigahæsti karlkeppandinn í frjálsíþróttakeppni Reykjavíkurleikanna. ÍBR/Ólafur Þórisson

Mynd 3 af 10 Keppt var í ólympískum lyftingum í Laugardalshöll. ÍBR/Ólafur Þórisson

Mynd 4 af 10 Listskautakeppni Reykjavíkurleikanna fór fram í Skautahöllinni í Laugardal. ÍBR/Ólafur Þórisson

Mynd 5 af 10 Sund hefur verið hluti af Reykjavíkurleikunum frá upphafi. ÍBR/Ólafur Þórisson

Mynd 6 af 10 Taekwondokeppnin fór fram í Ármannsheimilinu í Laugardal. ÍBR/Ólafur Þórisson

Mynd 7 af 10 Þau voru glæsileg danspörin sem svifu um gólf Laugardalshallar á Reykjavíkurleikunum. ÍBR/Ólafur Þórisson

Mynd 8 af 10 Klifur var í fyrsta sinn hluti af Reykjavíkurleikunum í ár og var fullt út úr dyrum í Klifurhúsinu. ÍBR/Ólafur Þórisson

Mynd 9 af 10 Menn voru þreyttir en sáttir í lok crossfit-keppninnar. ÍBR/Ólafur Þórisson

Mynd 10 af 10 DJ Dóra Júlía og fimleika- og sirkusmennirnir Nonni og Jóakim skemmtu íþróttafólkinu í veislu að leikum loknum. ÍBR/Ólafur Þórisson

„Þetta voru stærstu, glæsilegustu og fjölbreyttustu Reykjavíkurleikarnir frá upphafi,“ sagði Gústaf Adolf Hjaltason, forseti undirbúningsnefndar 13. Reykjavíkurleikanna, þegar leikunum var slitið á sunnudag með veislu mótshaldara, keppenda og annarra sem að leikunum komu í Laugardalshöll.

Reykjavíkurleikarnir hófust fimmtudaginn 23. janúar og lauk sunnudaginn 2. febrúar með keppni í fjölmörgum greinum. Keppt var í 20 íþróttagreinum í ár. Metfjöldi erlendra gesta tók þátt í leikunum eða um 1.000 af 45 mismundandi þjóðernum. Íslenskir keppendur voru um 2.000 og voru því þátttakendur um 3.000, sem gerir leikana að einum viðamesta íþróttaviðburði sem fram hefur farið hérlendis segir í tilkynningu frá Íþróttabandalagi Reykjavíkur.

Í badminton, dansi, frjálsíþróttum, júdó, listskautum, karate, ólympískum lyftingum og sundi var feiknasterkt erlent íþróttafólk á meðal keppenda ásamt flestu af besta íþróttafólki okkar Íslendinga. Í kraftlyftingum voru bæði heims- og Evrópumeistarar á meðal þátttakenda og þar var líka eitt heimsmet slegið. Í keilu kepptu erlendir atvinnumenn við íslenska áhugamenn. Fjöldi Íslands- og mótsmeta voru auk þess sett í mörgum greinum.

Nýjar greinar á leikunum í ár voru akstursíþróttir, enduro-hjólreiðar, crossfit, klifur og pílukast. Framkvæmdin í öllum nýju greinunum fór vel af stað með metnaðarfullum beinum útsendingum og spennandi keppni.

Haldið var upp á góðan árangur og vel heppnaðar mótshelgar sunnudagana 27. janúar og 2. febrúar í Laugardalshöll. Þar fengu stigahæstu einstaklingarnir eða þeir sem voru valdir bestir í hverri íþróttagrein viðurkenningu og má sjá lista yfir þá hér að neðan.

Badminton

Fathurrahman Fauzi, Indonesia
Rachel Sugden, Scotland

Badminton unglinga
Andri Broddason, Iceland
Júlíana Karitas Jóhannsdóttir, Iceland

Borðtennis
Ellert Georgsson, Iceland
Nevene Tasic, Serbia

Crossfit
Ingimar Jónsson, Iceland
Sandra Hrönn Arnardóttir, Iceland

Dans
Artem Semerenko, Kyrgyzstan
Valeriya Kachalki, Kyrgyzstan

Enduro-hjólreiðar
Gestur Jónsson, Iceland
Þórdís Björk Georgsdóttir

Frjálsíþróttir
Hlynur Andrésson, Iceland
Guðbjörg Jóna Bjarnadóttir, Iceland

Hermiakstur
Karl Thoroddsen, Iceland

Hjólreiðar brekkusprettur
Agnar Örn Sigurðarson, Iceland
Hrönn Ólína Jörundsdóttir, Iceland

Júdó
Zaza Simonishvili, Iceland
Ingunn Sigurðardóttir, Iceland

Karate
Joby Wilson, England
Sonia Ventura Garcia, Spain