Húsleit hjá Logos

Ólafur Ólafsson, sem á þeim tíma var annar stærsti eigandi …
Ólafur Ólafsson, sem á þeim tíma var annar stærsti eigandi Kaupþings, ásamt meðlimi Al-Thani-fjölskyldunnar og öðrum vinum í Flatey 31. júlí í fyrra. Ljósmynd/Hanna Lilja

Fulltrúar embættis sérstaks saksóknara framkvæmdu í morgun húsleit hjá lögmannsstofunni Logos í Efstaleiti. Er húsleitin liður í rannsókn embættisins á meintri markaðsmisnotkun og hugsanlegum auðgunarbrotum vegna kaupa Q Iceland Finance ehf. á hlutabréfum í Kaupþingi síðastliðið haust. 

Í morgun var einnig gerð leit í vefhýsingunni hjá Logos til þess að nálgast ýmis rafræn gögn. Þar voru haldlagðir tölvupóstar og önnur rafræn skjöl, samkvæmt upplýsingum fréttavefjar Morgunblaðsins. 

Q Iceland Finance ehf. er eignarhaldsfélag sjeiks Mohamed Bin Khalifa Al-Thani frá Katar, sem er persónulegur vinur Ólafs Ólafssonar. Ólafur hafði milligöngu um kaupin á hlut sjeiksins í Kaupþingi.

Fyrir rúmri viku síðan voru framkvæmdar tólf húsleitir, m.a á heimili og í sumarbústað Ólafs.

Nokkrir einstaklingar hafa fengið stöðu grunaðra í tengslum við rannsókn embættis sérstaks saksóknara. 

mbl.is

Bloggað um fréttina

  ISK
  USD
  EUR
  GBP
  CAD
  DKK
  NOK
  SEK
  ISK
  USD
  EUR
  GBP
  CAD
  DKK
  NOK
  SEK