Loðinn og krúttlegur AGS

„Við elskum öll hinn nýja „loðna og krúttlega" Alþjóðagjaldeyrissjóð," sagði Martin Wolf, aðalhagfræðingur breska blaðsins Financial Times, í lok pallborðsumræðna á ráðstefnu íslenskra stjórnvalda og Alþjóðagjaldeyrissjóðsins í Hörpu.

Nokkur umræða hafði spunnist í pallborðinu um að sjóðurinn hefði sýnt á sér nýtt andlit í samstarfinu við Ísland.

„Ég óska ykkur góðs og hugsið ykkur afar vel um áður en þið takið upp evruna," sagði Wolf, sem stýrði pallborðsumræðunum. „Ef þið farið á evrusvæðið eruð þið að ganga í Þýskaland."

Hann sagðist hafa lifað afar fróðlegan sólarhring hér á landi og jafnvel orðið fyrir innblæstri.  Auk Wolfs tóku þau Gylfi Zoëga prófessor, Paul Krugman hagfræðingur,
Nemat Shafik, aðstoðarforstjóri Alþjóðagjaldeyrissjóðsins, Már Guðmundsson seðlabankastjóri og Simon Johnson hagfræðingur til máls.

• 3 blogg um fréttina

Bloggað um fréttina

• Guðni Karl Harðarson: Við hötum öll IMF - 11 MYNDIR frá mótmælum við …
• Marinó G. Njálsson: Ráðstefna stjórnvalda og AGS
• Gunnar Heiðarsson: Hæðist að AGS og íslensku ríkisstjórninni