Verðbréfafyrirtækið Virðing hefur sagt upp níu starfasmönnum vegna starfsmannabreytinga í tengslum við fyrirhugaðan samruna Virðingar við Kviku banka. Bæði Samkeppniseftirlitið og Fjármálaeftirlitið hafa samþykkt kaup Kviku banka á öllu hlutafé Virðingar.
Frétt mbl.is Kaup Kviku á Virðingu fá brautargengi
„Starfsmannabreytingar eru því miður óumflýjanlegar í tengslum við samruna félaganna. Mér þykir leitt að kveðja öflugt og reynslumikið fólk sem hefur unnið fyrir Virðingu af eljusemi á undanförnum árum og vil ég þakka þeim fyrir vel unnin störf hjá félaginu,“ er haft eftir Hannesi Frímanni Hrólfssyni, forstjóra Virðingar, í tilkynningu frá félaginu.