Hhróbjartur Jónatansson, lögmaður, hyggst leggja fram tillögu á aðalfundi Frjálsa lífeyrissjóðsins, þess efnis að sjóðurinn leiti til óháðra lögmanna og endurskoðenda til þess að meta hvort ráðgjöf Arion banka til sjóðsins um ríflega 1.200 milljóna króna fjárfestingu í United Silicon standist lög.
„Nú liggur fyrir að þessir fjármunir eru glataðir og að sjóðfélagar sitji uppi með tjónið,“ segir Hróbjartur. Hann hyggst einnig bjóða sig fram til stjórnarsetu í sjóðnum.
Með því segist hann vilja beita sér fyrir því að skilið verði milli Frjálsa og Arion banka, sem annast rekstur sjóðsins og skipar auk þess þrjá af fjórum fulltrúum í stjórn. Þá hyggst Halldór Friðrik Þorsteinsson, einnig bjóða sig fram til að beita sér á með svipuðum hætti, að því er fram kemur í fréttaskýringu um þetta mál í Morgunblaðinu í dag.